សម្តេចព្រះមហាក្សត្រី នរោត្តម មុនីនាថ សីហនុ បានប្រទានព្រះរាជទ្រព្យចំនួន ៣ពាន់ដុល្លារអាម៉េរិក ដល់កាកបាទក្រហមកម្ពុជា សម្រាប់ត្រីមាសទី២ ឆ្នាំ ២០១៦ ។
ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានធ្វើលិខិតមួយនៅថ្ងៃទី៣១ ខែមីនា សម្តែងអំណរព្រះរាជគុណ ដល់សម្តេចព្រះមហាក្សត្រីព្រះវររាជមាតាជាតិខ្មែរ ដែលតែងប្រទានព្រះរាជទ្រព្យរៀងរាល់ត្រីមាស ក្នុងការទ្រទ្រង់សកម្មភាពមនុស្សធម៌ របស់កាកបាទក្រហមកម្ពុជា ។
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានមានប្រសាសន៍សន្យាថា នឹងប្រើប្រាស់ព្រះរាជទ្រព្យដ៏ឧត្តុងឧត្តមនេះ ទៅតាមព្រះរាជតម្រិះដ៏ខ្ពង់ខ្ពស់ សម្រាប់ជួយសង្គ្រោះដល់ប្រជារាស្ត្រក្រីក្រ និងប្រជារាស្ត្រដែលទទួលរងគ្រោះដោយគ្រោះមហន្តរាយផ្សេងៗ នៅទូទាំងព្រះរាជាណាចក្រកម្ពុជា ។