ថ្ងៃទី០៦ខែឧសភាឆ្នាំ២០១៧ លោកជំទាវ បាន ស្រីមុំ អ្នកតំណាងរាស្ត្រគណបក្សប្រជាជនកម្ពុជាមណ្ឌលប៉ៃលិន រួមជាមួយឯកឧត្តម អីុ ឈាន ប្រធានក្រុមការងារគណបក្សប្រជាជន ចុះជួយខេត្តប៉ៃលិន បានដឹកនាំក្រុមគ្រូពេទ្យសស្ម័គ្រចិត្ត ចុះពិនិត្យ ពិគ្រោះ និងព្យាបាលដោយមិនគិតប្រាក់ ជូនពុកម៉ែបងប្អូនប្រជាពលរដ្ឋទូទាំងឃុំស្ទឹងត្រង់និងភូមិមួយចំនួនព្រំប្រទល់ជាប់ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ការពិនិត្យ ពិគ្រោះ និងព្យាបាលនេះ មានទាំងអេកូកូល័រសម្រាប់ពិនិត្យផ្ទៃពោះ និងជំងឺផ្សេងៗទាក់ទងនឹងតម្រងនោម ផ្លោកនោម ផងដែរ ក្រៅពីនោះការពិនិត្យនិងព្យាបាលមិនប្រកាន់វ័យ ឋាន: និន្នាការនយោបាយអ្វីឡើយ អោយតែពុកម៉ែបងប្អូនមានបញ្ហាសុខភាព។
ក្រៅពីការពិគ្រោះ ពិនិត្យ និងព្យាបាលជំងឺហើយ លោកជំទាវ នូវបានរៀបចំអាហារនំបញ្ចុកសម្លរប្រសើនិងសម្លរការីនំប័ុង ជូនពុកម៉ែបងប្អូនពិសារផងដែរ ។
នេះជាលើកទី៣ហើយដែលក្រុមគ្រូពេទ្យរបស់លោកជំទាវបាន ស្រីមុំមកពិនិត្យព្យាបាលនៅឃុំស្ទឹងត្រង់នេះ លើកទីមួយនៅវត្តព្រៃសន្ទះ មានប្រជាពលរដ្ឋចាស់ក្មេង៦០១នាក់ លើកទីពីរនៅអូរ៧៥កូនដំរីមានប្រជាពលរដ្ឋចាស់ក្មេង៥៧២នាក់ លើកទីបីនេះនៅភូមអូរដូនតាក្រោមប្រជាពលរដ្ឋចាស់ក្មេងសរុប៧៥០នាក់ទទួលបានការពិនិត្យព្យាបាលដោយមិនគិតប្រាក់ឡើយ ។
