ឯកឧត្តមបណ្ឌិតក៏បានពាំនាំនូវការសួរសុខទុក្ខពីសំណាក់ប្រមុខដឹកនាំកំពូលរបស់ប្រទេសដែលមានសម្តេចតេជោ ហ៊ុន សែន ជាមគ្គុទ្ទេសក៍ដ៏ឆ្នើមក្នុងការស្វែងរកសុខសន្តិភាព និងការអភិវឌ្ឍន៍ជូនមាតុភូមិ ហើយឯកឧត្តមក៏បានអំពាវនាវឲ្យប្រជាពលរដ្ឋបន្តអនុវត្តនូវវិធានការ ៣កុំ ៣ការពារស្របតាមការណែនាំរបស់ក្រសួងសុខាភិបាលផងដែរដើម្បីទប់ស្កាត់ការរីករាលដាលនៃវីរុសកូវីដ១៩។

ក្នុងឱកាសដ៏វិសេសវិសាលនេះ ឯកឧត្តមបណ្ឌិត ស៊ាង ប៊ុនលាង និងលោកជំទាវ ព្រមទាំងក្រុមការងារ បាននាំយកអំណោយមាន ក្រមា និងថវិកា ចែកជូនបងប្អូនប្រជាពលរដ្ឋដែលបានចូលរួមក្នុងពិធីនោះផងដែរ ។

ឯកឧត្តម សុខ លូ អភិបាលខេត្តបាត់ដំបង បានមានប្រសាសន៍ថា ដោយសារតែការយកចិត្តទុកដាក់របស់រាជរដ្ឋាភិបាលកម្ពុជា ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានសម្រេចក្នុងការប្រគល់ដីជូនប្រជាពលរដ្ឋ ឱ្យជាម្ចាស់កម្មសិទ្ធិពេញលេញ បន្ទាប់ពីធ្វើការវាស់វែង និងចុះបញ្ជីដីធ្លី ដូចជាការកំណត់ព្រំដី ការងារវាស់វែង យ៉ាងមានសុក្រឹតភាពទៅតាមនីតិវិធីនៃច្បាប់ ។ ចំពោះសន្លឹកវិញ្ញាណបនបត្រនេះ មិនអាចមានការក្លែងបន្លំបានឡើយ ព្រោះនៅលើសន្លឹកប័ណ្ណមានភ្ជាប់ជាមួយនឹងQR Code ដែលគ្រាន់តែស្គែនភ្លាមចេញទិន្នន័យច្បាស់មកទាំងអស់ ទោះបីជាព្យាយាមបំផ្លាញសន្លឹកប័ណ្ណបំបាត់ភស្ដុតាងក៏ដោយ ក៏ទិន្នន័យមាននៅក្នុងប្រព័ន្ធកុំព្យូទ័រទាំងអស់ ។

ឯកឧត្តមអភិបាលខេត្ត បានធ្វើការក្រើនរម្លឹកដល់ប្រជាពលរដ្ឋ ដែលមានប័ណ្ណកម្មសិទ្ធិរួចហើយ ហើយនៅតែបន្តឈូសឆាយ រំលោភបំពានដល់ដីព្រៃដែលជាសម្បត្តិរបស់រដ្ឋ រដ្ឋបាលខេត្តនឹងធ្វើការចាត់វិធានការទៅផ្លូវច្បាប់ រកឱ្យឃើញនូវមេខ្លោង ដោយមិនមានការលើកលែងឡើយ ព្រមទាំងណែនាំដល់រដ្ឋបាលស្រុក រក្សាភ្នំធម្មជាតិឱ្យបាន ដើម្បីទុកសម្រាប់ផលប្រយោជន៍រួមរបស់ប្រជាពលរដ្ឋ និងជាគោលដៅទេសចរណ៍នាពេលអនាគត ។

ឯកឧត្តម សុខ លូ ក៏បានអំពាវនាវដល់ប្រជាពលរដ្ឋ ដែលទទួលបានកម្មសិទ្ធិដីធ្លីនៅថ្ងៃនេះ សូមមេត្តាកុំយកដីទៅលក់ ត្រូវរក្សាទុកដីនេះដើម្បីអាចប្រើប្រាស់ដីនេះក្នុងការដាំដុះដំណាំផ្សេងៗ ដើម្បីចិញ្ចឹមជីវិត និងផ្គត់ផ្គង់ក្នុងគ្រួសារ ព្រមទាំងអាចទុកបន្តដល់កូនចៅជំនាន់ក្រោយៗផងដែរ ៕

សម័យប្រជុំពេញអង្គលើកទី២នេះ ដឹកនាំសម្របសម្រួលដោយ ឯកឧត្ដម Jang hyun Yun  មកពីលេខាធិការដ្ឋានសភា នៃសាធារណរដ្ឋកូរ៉េ នឹងធ្វើការពិចារណាលើបញ្ហាសេដ្ឋកិច្ច និងពាណិជ្ជកម្ម ដោយផ្តោតទៅលើការពង្រឹងកិច្ចសហប្រតិបត្តិការអន្តរជាតិ ដើម្បីភាពធន់នឹងសេដ្ឋកិច្ចកាន់តែខ្លាំង និងការស្តារសេដ្ឋកិច្ចដែលរួមបញ្ចូលការពន្លឿនសេដ្ឋកិច្ចឌីជីថល និងការលើកកម្ពស់ការតភ្ជាប់តួនាទីរបស់សភា ក្នុងការបង្កើនសមាហរណកម្មសេដ្ឋកិច្ច និងជំរុញពាណិជ្ជកម្មក្នុងតំបន់។ 

លោកជំទាវ និន សាផុន បានថ្លែងបទអន្តរាគមន៍ទៅកាន់សម័យប្រជុំនេះ ដោយបានលើកឡើងថា រយៈពេលជិត២ឆ្នាំមកនេះ មនុស្សជាតិលើពិភពលោកទាំងមូល បាននិងកំពុងបន្តប្រឈមនឹងហានិភ័យធ្ងន់ធ្ងរដែលមិនធ្លាប់មាន លើបញ្ហាសុខភាពសាធារណៈ នៃជំងឺរាត ត្បាតកូវីដ-១៩ រួមទាំងការកើនឡើងនូវភាពតានតឹង នៃស្ថានភាពភូមិសាស្ត្រនយោបាយ     សង្គ្រាមពាណិជ្ជកម្ម បច្ចេកវិទ្យា និងការប្រែប្រួលអាកាសធាតុកាន់តែញឹកញាប់ និងអូសបន្លាយដែលទាំងអស់នេះ គឺជាកត្តាជះឥទ្ធិពលដល់ការអភិវឌ្ឍលើគ្រប់វិស័យ ជាពិសេសសង្គម សេដ្ឋកិច្ច និងពាណិជ្ជកម្ម ទាំងក្នុងតំបន់ និងសកលលោក។ 

លោកជំទាវ បានបន្តថា ប្រធានបទកិច្ចប្រជុំស្តីពី “ តួនាទីសភាក្នុងការពង្រឹងសមាហរណកម្មសេដ្ឋកិច្ច និងជំរុញពាណិជ្ជកម្មនៅក្នុងតំបន់ ” គឺពិតជាមានសារៈសំខាន់ណាស់ ក្នុងការពន្លឿននូវការលើកកម្ពស់កិច្ចសហប្រតិបត្តិការ ពង្រឹងសាមគ្គីភាព និងតម្កល់ផលប្រយោជន៍ប្រជាពលរដ្ឋជាធំ ដោយប្រកាន់ខ្ជាប់នូវយន្តការពហុភាគីនិយម ក្នុងការដោះស្រាយបញ្ហាក្នុងគ្រប់វិស័យ និងពន្លឿនការតភ្ជាប់រវាងសង្គម-សេដ្ឋកិច្ច សំដៅធានាឱ្យការអភិវឌ្ឍសង្គម សេដ្ឋកិច្ច និងពាណិជ្ជកម្ម មានភាពល្អប្រសើរឡើងវិញ ដើម្បីជំរុញរបៀបវារៈនៃការអភិវឌ្ឍរបស់យើងប្រកបដោយចីរភាព និងបរិយាប័ន្ន ។ 

លោកជំទាវ និន សាផុន បន្ថែមថា កម្ពុជាក៏មិនខុសពីបណ្តាប្រទេសក្នុងតំបន់ និងពិភពលោកដែរ គឺបានយកចិត្តទុកដាក់គិតគូរ និងរៀបចំផែនការដើម្បីស្តារឡើងវិញ នូវសេដ្ឋកិច្ចក្រោយវិបត្តិជំងឺកូវីដ-១៩។ ជាមួយគ្នានេះ កម្ពុជាបានប្រកាសជាផ្លូវការនូវក្របខ័ណ្ឌគោលនយោបាយសេដ្ឋកិច្ច និងសង្គមឌីជីថល ២០២១-២០៣៥។ ក្របខ័ណ្ឌនេះកំណត់នូវចក្ខុវិស័យរយៈពេលវែង ដើម្បីកសាងសេដ្ឋកិច្ច និងសង្គមឌីជីថលដ៏រស់រវើក តាមរយៈការរៀបចំមូលដ្ឋា នគ្រឹះ ជំរុញការទទួលយក និងការធ្វើបរិវត្តកម្មឌីជីថ លនៅក្នុងគ្រប់តួអង្គ ទាំងរដ្ឋ ពលរដ្ឋ និងធុរជន ដើម្បីជំរុញសន្ទុះកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គម ដោយផ្អែក លើគន្លងប្រក្រតីភាពថ្មី។ 

លោកជំទាវប្រធានប្រតិភូបានបញ្ជាក់ថា កន្លងមកសភាកម្ពុជា បានអនុម័តលើកិច្ចព្រម ព្រៀងពាណិជ្ជកម្មសេរីនានា សំដៅពង្រីកទីផ្សារនាំចេញឱ្យកាន់តែទូលំទូលាយ។ សភាកម្ពុជាក៏សំណូមពរដល់បណ្តាប្រទេសកំពុងអភិវឌ្ឍន៍ទាំងអស់ ដើរតួនាទីជាស្នូលនៃការពង្រឹងប្រព័ន្ធពហុភាគីនិយម ដើម្បីដោះស្រាយបញ្ហាប្រឈម របស់ពិភពលោកឱ្យទទួលបាននូវប្រសិទ្ធភាព ទាំងការរាតត្បាតនៃជំងឺឆ្លង និងការធ្វើឱ្យប្រសើរឡើងវិញនូវសង្គម សេដ្ឋកិច្ចនិងពាណិជ្ជកម្ម។

ចំណែកនៅក្នុងបទអន្តរាគមន៍របស់ប្រតិភូប្រទេសជាសមាជិក APPF ផ្សេងៗទៀតដែលបានចូលរួម គឺបានលើកឡើងលើសារៈសំខាន់ នៃការផ្លាស់ប្តូរឌីជីថល រួមបញ្ចូលនៅក្នុងតំបន់អាស៊ី ប៉ាស៊ីហ្វិក សម្រាប់ការស្តារឡើងវិញដោយភាពធន់នឹងជំងឺរាតត្បាត COVID-19 និងបានយល់ស្របលើតម្រូវការ ក្នុងការផ្តល់ការគាំទ្រផ្នែកគោលនយោបាយ ដល់ក្រុមដែលងាយរងគ្រោះក្នុងសង្គម ដូចជា យុវជន មនុស្សចាស់ ស្ត្រី និងជនអន្តោប្រវេសន៍ ព្រមទាំងតម្រូវការក្នុងការពិចារណាលើស្ថាប័ននានា ដើម្បីអនុញ្ញាតឱ្យមានកំណើនរួមគ្នា និងកិច្ចសហប្រតិបត្តិការឈ្នះ-ឈ្នះ នៃសាជីវកម្មធំៗ និងសហគ្រាសធុនតូច និងមធ្យម (MS MEs) ក្នុងការសម្រេចបាននូវការងើបឡើងវិញ សេដ្ឋកិច្ចប្រកបដោយនិរន្តរភាព៕